A FUXIDA DO MCDONALDS - MARCOS

Marcos inventou este divertido conto, que fixo rir a todos os compañeiros e compañeiras. Parabéns pola túa creatividade!

Warholiños por un día

María, a profe que está aprendendo para ser profe, tróuxonos un proxecto moi interesante que imos seguir: Arte na Escola... neste caso Arte Pop.

 

E quen mellor para aprender algo de Pop Art que o grande Andy Warhol... e, claro, ser nós mesmos warholiños por un día.

E, despois, seguiremos co mitiquísimo Roy Lichtenstein! 

O POZO DOS DESEXOS

Sofía contou unha historia que nos deu para reflexionar bastante sobre a riqueza e a desigualdade social. Moi interesante o conto e o debate.

O POLO DOS OVOS DE OURO - CONTO TRADICIONAL EXIPCIO

Xa sei que vos soará raro pero na imaxinación todo é posible e Hamza púxolle ese título ao seu conto. Como era moi longo e aínda hai un pouco de problema co idioma, leuno en castelán. Os demais deberán practicar un pouquiño co galego.

Sentímolo moito

Esta semana repasaremos en 1º cousas dos 5 sentidos (ser son 6 en realidade, pero o sentido común, tamén chamado "sentidiño", non conta).

Así que xa sabedes: a sentilo moito todo o mundo! Exercitade os sentidos, xa que é o que vos conecta co mundo!

Aí vos van un par de actividades: ligazín e ligazón!

A HORA DE LER EN 2º

Hoxe foi o primeiro dia de moitos nos que facemos A HORA DE LER de xeito distinto. Cada día un neno/a terá a responsabilidade de contar un conto aos seus compañeiros/as. Os comezos non son doados pero Julio foi moi valente e, sen ter nada previsto, contou moi ben ONDE VIVEN OS MONSTROS?. Fíxoo moi ben e agora xa hai lista de espera.